Futbol üzrə Azərbaycan Kubokunun ilk yarımfinalçısı müəyyənləşib.
Publika.az-ın xəbərinə görə, bu, Bakının "İnter"idir.
"Bankirlər" 1/4 finalda Gəncənin "Kəpəz" klubundan üstün olub. Bakıdakı görüşdə 2:0 hesablı qələbə qazanan Zaur Svanadzenin rəhbərlik etdiyi komanda bugünkü cavav görüşündə səfər heç-heçəsinə nail olub.
Bununla da iki oyunun nəticəsinə əsasən, "İnter" yarımfinala vəsiqə qazanıb. Komandanın finala gedən yoldakı rəqibi "Qəbələ" və AZAL komandaları arasındakı qarşılaşmanın qalibi olacaq.