Məlum səbəbdən transfer qadağasıyla üzləşən “İnter”in hazırlıq üçün Türkiyəyə yola düşməsinə “hə” deyilməyib. Fanat.az xəbər verir ki, Beynəlxalq Bankın maliyyəsi hesabına ayaqda qalan “bankirlər”ın çalışdırıcısı Zaur Svanadze ölkə xaricində təlim-məşq toplanışı keçməyin vacibliyini vurğulasa da, “yuxarılar” cavab verməyə tələsmir.
Məsələylə bağlı klubun mətbuat katibi Səbuhi Məmmədova müraciət etdik. Məmmədovun cavabı belə oldu:
“Planda Türkiyədə hazırlaşmaq var. Ancaq rəhbərlik tərəfindən təsdiqlənməyib. Ona görə də hazırlıq proqramı müəyyənləşdirilməyib. Təsdiqlənəndən sonra açıqlayacağıq”.
Fanat.az