Rusiya səfirini öldürən terrorçu belə məhv edildi - TAM TƏFƏRRÜAT

Rusiya səfirini öldürən terrorçu belə məhv edildi - TAM TƏFƏRRÜAT
17:27 21 Dekabr 2016
95 Dünya
Ölkə mətbuatı
A- A+

2 gün əvvəl Ankaradakı sərgi salonunda Rusiyanın Türkiyədəki səfirinin qətlə yetirilməsi olayı ilə bağlı yeni faktlar üzə çıxıb.

Milli.Az lent.az-a istinadən bildirir ki, sözcü.com.tr Andrey Karlovun qatilinin necə öldürüldüyü prokurorluqdakı qaynaqlardan öyrənib.

Bildirilir ki, Mert Altıntaş dekabrın 19-da yerli vaxtla saat 19.05-də Karlova atəş açaraq onu öldürüb. Dərhal sonra türk və ərəb dilində bəzi sözləri deyən qatil salondakı fotoları divardan sökməyə başlayıb. Hadisə yerinə ilk olaraq polislər saat 19.27-də yaxınlaşıb. "Təslim ol" çağırışına atəşlə cavab verən M.Altıntaş yerə uzanaraq müqavimətə davam edib. Az sonra divarın arxasına keçən 22 yaşlı polis əməkdaşı ilk olaraq saat 19.32-də ayağından yaralanıb. Onun ayağında ümumilikdə 4 güllə yarası aşkarlanıb. Lakin yaralanmasına baxmayaraq M.Altıntaş uzanıqlı vəziyyətdə atəş açmağa davam edib və çevik polis alayının əməkdaşlarının saat 19:42-də açdığı atəş onun boyun nahiyəsinə dəyib.
 
Bununla da terrorçu hərəkətsiz vəziyyətə düşüb.
 
Maraqlıdır ki, M.Altıntaş zərərsizləşdiriləndən sonra olay yerinə cəmləşən polislər birdən-birə dağılışıb. Onlar bunu M.Altıntaşın üzərində və ya binada partlayıcı olma ehtimalına görə ediblər. Bir neçə dəqiqədən sonra partlayıcının olmadığı dəqiqləşib və tibb xidməti saat 19:49-da binaya daxil olaraq səfirə yardım göstərməyə çalışıb.

Milli.Az


Xəbərin orijinal ünvanı: http://news.milli.az/world/501081.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR