Ukrayna Rusiya ilə sərhəddə yerləşən Luqansk rayonunda divar tikməyə başlayıb.
Milli.Az-ın qafqazinfo-ya isitinadən verdiyi məlumata görə, bu barədə Ukrayna Dövlət Sərhədi Xidmətinin rəhbəri Viktor Nazarenko bildirib.
Onun sözlərinə görə, bu layihənin həyata keçirilməsi uzun zamandır maliyyə probleminə görə gerçəkləşmirdi: "Xarkov rayonunda işlərin 50 faizi artıq görülüb. Luqanskda isə işlər hələ yeni başlayıb".
Qeyd edək ki, 2016-cı ildə "Divar" adlı layihəyə 45 milyon dollar ayrılması ehtimal olunurdu, lakin son nəticədə 7,5 milyon dollar ayrılıb ki, bunun 6,6 milyon dolları artıq xərclənib.
Milli.Az
