Bakı. 22 dekabr. REPORT.AZ/ ABŞ-ın 2016-cı ilin III rübünün yekun iqtisadi artım tempi illik müqayisədə 3,5% təşkil edib.
"Report" RİA "Novosti" agentliyinə istinadən xəbər verir ki, bu ölkədə III rüb ilkin ÜDM artımı 2,9%, ikinci qiymətləndirmədə 3,2% olub. Birinci rübdə ABŞ iqtisadiyyatı illik müqayisədə 1,4%, ikinci rübdə isə 0,8% artım göstərib.
"Report"un analitik qrupu bildirir ki, ABŞ iqtisadiyyatından gələn müsbət xəbərlər dolların möhkəmlənməsini davam etdirəcək və yaxın iclaslarda FES-in yenidən uçot dərəcələrini artırmasına səbəb olacaq.