Kamran Ağayev və Emin Mahmudovun top qovduğu “Boavişta” Portuqaliya Premyer Liqasında növbəti matçına çıxıb. Fanat.az xəbər verir ki, milli futbolçularımızın komandası 15-ci tur çərçivəsində səfərdə “Nasional”la qarşılaşıb. Oyunda sevinən tərəf “damalılar” olub - 0:2.
Azərbaycanlı futbolçular start “11-lik”də yer alıb. Elə hesabı da Emin açıb. 11-ci dəqiqədə qapı torunu silkələyən Mahmudov 39-cu dəqiqə sarı vərəqə görüb və 62-ci dəqiqədə zədələnərək meydanı tərk edib. Maraqlıdı ki, matçın gedişində Ağayev də sarı vərəqə ilə cəzalandırılıb.
Bu qələbəylə 17 xala qovuşan "Boavişta" turnir cədvəlinin 9-cu pilləsinə qalxıb.
Fanat.az
