Azərbaycan milli komandasının futbolçusu Emin Mahmudov Portuqaliya çempionatında qol hesabını açıb.
Publika.az xəbər verir ki, 24 yaşlı yarımmüdafiəçi "Boavişta"nın heyətində "Nasional"la qarşı keçirilən səfər matçının 11-ci dəqiqəsində hesabı açıb.
Bu, Mahmudovun ilk dəfə start heyətində meydana çıxdığı matçda reallaşıb. Emin qarşılaşmanın 39-cu dəqiqəsində sarı vərəqə alıb, 62-ci dəqiqədə isə zədələnərək əvəzlənib.
Millimizin qapıçısı Kamran Ağayev bu dəfə də 90 dəqiqə meydanda olub. Qapısını toxunulmaz saxlayan Kamran sarı vərəqə ilə cəzalandırılıb. Bu, matçın 69-cu dəqiqəsində baş verib.
Qeyd edək ki, "Boavişta" uzun fasilədən sonra qələbəsizliyə son qoyub və 17 xal toplayaraq turnir cədvəlinin 9-cu pilləsinə yüksəlib.
Portuqaliya çempionatı. 15-ci tur
21:00 Nasional - Boavişta 0:2
Emin Mahmudov, 11, Renato Santos, 32.