x
Loading...

Azərbaycan Dəmir Yolları gücləndirilmiş iş rejiminə keçəcək

Azərbaycan Dəmir Yolları gücləndirilmiş iş rejiminə keçəcək
10:12 23 Dekabr 2016
Ölkə mətbuatı
A- A+
.

Bakı. 23 dekabr. REPORT.AZ/ "Azərbaycan Dəmir Yolları" QSC-nin Sərnişin daşımaları Departamenti 31 dekabr - Dünya Azərbaycanlılarının Həmrəylik Günü və Yeni İl bayramları ərəfəsində gücləndirilmiş iş rejimində çalışacaq.
Bu, “Azərbaycan Dəmir Yolları” QSC ictimaiyyətlə əlaqələr şöbəsinin rəisi Sevinc Qədirovadan "Report"a daxil olan məlumatda qeyd edilib.
"Departamentin kollektivi sərnişin qatarlarında xidmət mədəniyyətinin yüksəldilməsi istiqamətində ciddi işlər görür. Yeni təqvim ili ərəfəsində, sərnişin sıxlığının artması ilə əlaqədar, ölkə daxilində hərəkət edən sərnişin qatarlarına hər gün 20-25, bəzən də 30 ədəd əlavə vaqonun qoşulması təmin ediləcək", - deyə məlumatında əlavə edilib.
Qeyd edək ki, sərnişin qatarlarına bilet satışı 10 gün qabaqcadan, əlavə vaqonlara isə bilet satışı həmin vaqon qatara qoşulan gün həyata keçirilir.


Xəbərin orijinal ünvanı: https://report.az/i-nfrastruktur/azerbaycan-demir-yollari-guclendirilmis-is-rejimine-kececek

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR