Bakı. 23 dekabr. REPORT.AZ/ Liviyanın "Afriqiyah Airways" aviaşirkətinə məxsus A320 təyyarəsini 2 nəfər qaçırıb.
"Report" xarici KİV-ə istinadən xəbər verir ki, təyyarədə 118 nəfər olub.
Təyyarə daxili reys həyata keçirərkən həmin şəxslər təyyarəni Malta istiqamətində uçmağa məcbur ediblər. Hava nəqliyyatı vəsitəsini zəbt edən şəxslər ekipaj üzvlərini bomba partladacaqları ilə hədələyiblər. Onların tələbləri haqqında məlumat verilmir.
Maltada eniş edən qaçırılan təyyarənin sərnişinləri salonu tərk ediblər. Lakin təyyarənin ekipajı göyərtədə saxlanılıb.