Berlindəki terror aktı qaçqınların Avropaya yolunu bağlamalı deyil.
Milli.Az Trend-ə istinadən xəbər verir ki, bunu Avropa Komissiyasının sədri Jan-Klod Yunker deyib.
"Avropa münaqişə zonasından və terrorizmdən qaçan insanlara sığınacaq verməlidir. Bütün qaçqınları terrorçuluqda şübhəli bilmək düzgün olmazdı", - Yunker deyib.
Bununla belə, o qeyd edib ki, Avropa İttifaqının daxili təhlükəsizliyini möhkəmləndirmək lazımdır.
Xatırladaq ki, dekabrın 20-də Berlində bir yük maşını yüksək sürətlə insanların arasına daxil olmuşdu. Nəticədə 12 nəfər həlak olmuş, 50-yə yaxın adam yaralanmışdı.
Milli.Az