Bakı. 24 dekabr. REPORT.AZ/ Əfqanıstan "talibançı"larının hücumu zamanı 3 polis əməkdaşı həlak olub.
"Report" xəbər verir ki, bu barədə "Sinxua" agentliyi məlumat yayıb.
Məlumata görə, hadisə Farah vilayətinin eyniadlı şəhərində baş verib. Belə ki, "Taliban" radikal qruplaşmasının silahlıları nəzarət buraxılış məntəqəsinə hücum ediblər. Hücum zamanı daha 4 polis əməkdaşı yaralanıb.
Silahlılar məntəqədəki silahları da özləri ilə aparıblar. Agentliyin məlumatına görə, hücum zamanı həmçinin 11 silahlı məhv edilib.
