Sağlamlıq imkanları məhdud uşaqların əsərlərindən ibarət toplu və albomlar nəşr ediləcək
Yaradıcılıq fəaliyyəti ilə məşğul olan əlilliyi olan şəxslərin və sağlamlıq imkanları məhdud uşaqların əsərlərindən ibarət toplu və albomlar nəşr ediləcək. Lent.az-ın məlumatına görə, bu, əlilliyi olan şəxslərin hüquqlarının müdafiəsinə dair Milli Fəaliyyət Proqramında öz əksini tapıb. Onların yaradıcılıq təşkilatlarının işində bərabərhüquqlu üzv kimi iştirakını təmin edən tədbirlərin görülməsi nəzərdə tutulub. Bununla bağlı Əmək və Əhalinin Sosial Müdafiəsi, Gənclər və İdman, Mədəniyyət və Turizm nazirliklərinə, Yazıçılar Birliyi və Rəssamlar İttifaqına tapşırıq verilib.
