x
Loading...
.

Azərbaycan yığması Valentin Qranatkinin xatirə turnirində Slovakiya ilə qarşılaşacaq

Azərbaycan yığması Valentin Qranatkinin xatirə turnirində Slovakiya ilə qarşılaşacaq
11:07 13 Yanvar 2017
43 İdman
Ölkə mətbuatı
A- A+
.

Bakı. 13 yanvar. REPORT.AZ/ FIFA-nın I vitse-prezidenti Valentin Qranatkinin xatirəsinə həsr olunmuş XXIX ənənəvi beynəlxalq turnirdə 1999-cu il təvəllüdlü futbolçulardan ibarət Azərbaycan yığması bu gün qrup mərhələsində son oyununu keçirəcək. "Report"un məlumatına görə, C qrupunun III tur matçında rəqib Slovakiyanın müvafiq yaş qrupuna aid komandası olacaq.
Təbriz Həsənovun rəhbərlik etdiyi komanda ilk görüşdə Litvaya 1:2 hesabı ilə uduzub. Ardınca Qazaxıstanla 2:2 hesablı heç-heçəyə razılaşan yığma qrupdan çıxma şansını saxlamaq üçün mütləq qələbə qazanmalıdır. Əks təqdirdə, Azərbaycan yığması 9 - 16-cı yerlər uğrunda mübarizə aparacaq.
Amma qələbə kömək etməyə də bilər. Bu, Bakı vaxtı ilə saat 13:00-da start götürəcək qrupun digər oyununda Litvanın Qazaxıstana məğlub olacağı təqdirdə, baş verəcək. Qazaxıstan və Slovakiya qələbə qazanacağı təqdirdə, növbəti mərhələyə bu iki komanda yüksələcək.
Hazırda Litva 4 xalla 1-ci, Azərbaycan yığması isə 1 xalla qrup sonuncusudur. Qazaxıstan və Slovakiya isə hərəyə 2 xalla müvafiq olaraq, 2-3-cü yerləri bölüşürlər.
Valentin Qranatkinin xatirə turniri, III tur
C qrupu
15:15. Azərbaycan - Slovakiya
Sankt-Peterburq. Peterburqski İdman-Konsert Kompleksi

Xəbərin orijinal ünvanı: https://report.az/futbol/azerbaycan-yigmasi-valentin-qranatkinin-xatire-turnirinde-slovakiya-ile-qarsilasacaq

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR