x
Loading...

Bakı avtobuslarında yeni sistem yoxlanılır

Bakı avtobuslarında yeni sistem yoxlanılır
12:22 13 Yanvar 2017
39 Ölkə
Ölkə mətbuatı
A- A+
.

Bakı Nəqliyyat Agentliyi (BNA) paytaxtın marşrut avtobuslarında GPS sisteminin quraşdırılmasını yekunlaşdırıb.

Milli.Azxəbər verir ki, bu barədə Trend-ə agentliyin ictimaiyyətlə əlaqələr şöbəsinin sektor müdiri Mais Ağayev məlumat verib.

Qurum rəsmisi bildirib ki, hazırda sistemin yoxlanış mərhələsi həyata keçirilir:

"Sərnişin avtobuslarında GPS sisteminin quraşdırılması ilə bağlı işlər yekunlaşıb və sistem test mərhələsindədir. Yaxın günlərdə GPS sistemi ictimayyətə təqdim ediləcək".

M.Ağayev qeyd edib ki, bu sistemin imkanları həm marşrut şəbəkəsində, həm də ümumi paytaxtın nəqliyyat sistemində illərdən bəri mövcud olan problemlərin həllinə imkan verəcək:

"GPS sistemi vasitəsi ilə sərnişin avtobuslarına tam nəzarət təmin ediləcək. Bundan sonra biz biləcəyik ki, hər hansı bir marşrut xətti üzə hərəkət edən avtobus dayanacağa hansı müddətdə gələcək, olduğu yolda sürət həddinə əməl edilir, dayanacaqdan kənar saxlayır, ya yox. Bu sistem avtobusların iştirakı ilə baş verən yol qəzalarının araşdırılmasında da mühüm əhəmiyyət kəsb edəcək. Belə ki, biz artıq GPS sistemi vasitəsi ilə biləcəyik ki, qəza baş verən zaman avtobusun sürəti dəqiq nə qədər olub".

Agentlik rəsmisi deyib ki, sistem vasitəsilə sərnişinlər dayanacaqlardakı məlumat terminalları vasitəsi ilə gözlədikləri avtobus barədə dəqiq məlumatları əldə edə biləcəklər:

"Bu sistem yeni qurulanda bir müddət işlədi, lakin sonradan yaranan problemlər səbəbindən özünü tam doğurultmadı. Lakin Bakı Nəqliyyat Agentliyi sistemdə mövcud olan əvvəlki problemlərin təkrarlanmaması üçün bütün zəruri adımları atıb. Sistem tam qurulub ki, bundan istifadədə hər hansı bir çətinlik olmasın".

Milli.Az

Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/country/507255.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR