Bakı. 14 yanvar. REPORT.AZ/ Bakıda mənzildən 1 000 avro və 400 dollar oğurlanıb.
"Report"un xəbərinə görə, hadisə Binəqədi rayonunda qeydə alınıb.
Belə ki, Cəfər Xəndan küçəsində yaşayan 1981-ci il təvəllüdlü İsmayıl Zeynalovun evindən açar seçmə yolu ilə 1000 avro, 400 ABŞ dolları, 5 ədəd qol saatı və mobil telefon oğurlanıb.
Faktla bağlı Binəqədi Rayon Polis İdarəsində araşdırma aparılır.
Daxili İşlər Nazirliyinin məlumatına görə, oğurluq etməkdə şübhəli bilinən Elşən Lətifov tutulub.