Valentin Qranatkinin xatirəsinə həsr olunan beynəlxalq turnirdə çıxış edən Azərbaycan millisi qələbə həsrətinə son qoyub.
Milli.Az apasport.az-a istinadən xəbər verir ki, 9-16-cı yerlər uğrunda görüşdə İrana 1:0 hesabı ilə qalıb gələn komandamız 5 oyunluq seriyanı qırıb.
Belə ki, Təbriz Həsənovun yetirmələri ardıcıl 5 matç idi meydanı məyus tərk edirdi. Düzdü, bu 5 qarşılaşmada 4 məğlubiyyət alan futbolçularımız 1 heç-heçə edib. Həmin bərabərliyin isə heç də sevinc bəxş etdiyini saymaq olmaz.
Ötən il də Həsənovun rəhbərliyi altında Sankt-Peterburqa yollanan komandamız 2016-cı il yanvarın 6-da Bolqarıstanı 2 cavabsız qolla məğlub edib. Bu, qrup mərhələsinin II turunda qeydə alınıb.
375 gün öncə yaşanan uğurdan sonra Sloveniyaya 0:4, Belarusa 1:2 hesabı ilə uduzan komandamız həmin yarışı 8-ci olub.
Yığmamız həmin uğursuzluqları bu il də qrupda davam etdirib. Litvaya 1:2 hesabı ilə yenildikdən sonra Qazaxıstandan 1 xal qoparan (2:2) yığmamız Slovakiyaya da uduzmuşdu - 0:1.
Qeyd edək ki, ötən il turnirə U-17 ilə təmsil olunan Azərbaycan bu dəfə U-19-la qatılıb.
Milli.Az
Digər maraqlı xəbərlər Milli.Az-ın Facebook səhifəsində