“Azəravtoyol” ASC küçələrə, yollara yol nişanlarının üzərinə reklam yapışdıran şirkət rəhbərlərinə müraciət edib.
ASC-nin mətbuat xidmətindən Publika.az-a verilən məlumatda bu lövhələrin sürücüləri çaşdırdığı bildirilir:
“Xahiş edirik ki, yol nişanlarının üzərinə reklamlar yapışdırmayın. Siz bunu etməklə sutkanın qaranlıq vaxtlarında həmin nişanın sürücülər tərəfindən görünməsini məhdudlaşdırmış olursunuz. Bununla da qəzaların baş verməsinə səbəbkar ola bilərsiniz. Bundan başqa həmin reklam yazıları qopardılan zaman nişanların üzəri də korlanır.
Xahiş edirik bunları nəzərə alıb növbəti dəfə bu cür
etməyəsiniz”-deyə xəbərdarlıqda qeyd olunur. 
