"Səbail" klubu 2 qapıçı transfer edib

"Səbail" klubu 2 qapıçı transfer edib
18:12 16 Yanvar 2017
39 İdman
Ölkə mətbuatı
A- A+

Bakı. 16 yanvar. REPORT.AZ/ Türkiyənin Antalya bölgəsində Azərbaycan I Divizionunun ikinci dövrəsinə hazırlıqlarını davam etdirən "Səbail" futbol klubu heyətini iki qapıçı ilə gücləndirib. "Report"un klubun rəsmi saytına istinadən verdiyi məlumata görə, "Qarabağ"dan Emil Balayev və AZAL-dan Rəşad Əzizli mövsümün sonuna qədər icarə əsasında komandanın şərəfini qoruyacaq.
"Neftçi"nin yetirməsi olan 22 yaşlı E.Balayev indiyədək "Neftçi", "Sumqayıt", "Araz Naxçıvan", Almaniya "Ayntraxt Frankfurt"u və son olaraq "Qarabağ"ın şərəfini qoruyub. Bir neçə dəfə Azərbaycanın əsas millisinə də dəvət alan gənc qapıçı 21 yaşadək futbolçulardan ibarət yığmanın da formasını geyinib.
23 yaşlı Rəşad Əzizli isə "İnter", "Neftçi", "Simurq", "Rəvan" və son olaraq AZAL-ın uğurları üçün tər töküb. Əzizli U-17, U-19 və U-21 millilərinin də formasını geyinib.

Xəbərin orijinal ünvanı: https://report.az/futbol/sebail-klubu-2-qapici-transfer-edib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR