x
Loading...

Azərbaycanda kredit qoyuluşunda paytaxtın xüsusi çəkisi artıb

Azərbaycanda kredit qoyuluşunda paytaxtın xüsusi çəkisi artıb
19:17 16 Yanvar 2017
Ölkə mətbuatı
A- A+
.

Bakı. 16 yanvar. REPORT.AZ/ Azərbaycanda regionların kreditləşməsi 2015-ci ilin müvafiq dövrü ilə müqayisədə 704 359,9 min manat və ya 22,1% azalaraq 2016-cı il dekabrın 1-nə 2 479 002,9 min manat təşkil edib.
"Report" bu barədə Azərbaycan Mərkəzi Bankına (AMB) istinadən xəbər verir.
Hesabata əsasən, regionların kreditləşməsinin məcmu kreditlərdə xüsusi çəkisi də illik müqayisədə 1,75% bəndi azalaraq 2016-cı il dekabrın 1-nə 15,23% təşkil edib.
Azərbaycanın iqtisadi rayonları arasında ən bahalı kreditlər Aran, ən ucuz isə Naxçıvan iqtisadi rayonunda verilib. Belə ki, 2016-cı il dekabrın 1-nə əsasən Azərbaycanda kreditlər üzrə ən yüksək orta faiz dərəcəsi 22,6% olmaqla Aran iqtisadi rayonunda, ən aşağı isə Bakı şəhərindən sonra (9,2%) 12,6 olmaqla Naxçıvan iqsadi rayonunda qeydə alınıb.
Ölkə üzrə cəmi kredit qoyuluşunun 607 190,9 min manat və ya 3,7%-i Aran, 113 028,4 min manat və ya 0,69%-i Naxçıvan iqtisadi rayonun payına düşüb. Məcmu kreditlərin 84,8% və ya 13 796 486,6 min manatı Bakı şəhərinin payına düşüb ki, burada da orta faiz dərəcəsi 9,2% olub. 
Xatırladaq ki, Azərbaycanda cəmi kredit qoyuluşu 16 275 489,5 min manat, orta faiz dərəcəsi 10,8% təşkil edib. 

Xəbərin orijinal ünvanı: https://report.az/maliyye/azerbaycanda-kredit-qoyulusunda-paytaxtin-xususi-cekisi-artib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR