Siyəzən rayonunda iki "KamAZ" markalı yük avtomobilinin toqquşması nəticəsində yol nəqliyyat hadisəsi baş verib. Lent.az-ın FHN-nin rəsmi saytına istinadən xəbərinə görə, nəticədə yük avtomobilinin birinin sürücüsü, 1991-ci il təvəllüdlü Zulfüqarov Etibar Tofiq oğlu müxtəlif bədən xəsarətləri ilə hadisə yerində vəfat edib.
Meyit yanğınsöndürən-xilasedicilər tərəfindən avtomobildən çıxarılaraq aidiyyatı qurumlara təhvil verilib. Əməliyyat saat 05:02-də başa çatıb.