Ötən gecə saat 22.40 radələrində Balakən rayonu ərazisində yol-nəqliyyat hadisəsi baş verib.
Lent.az-ın Daxili İşlər Nazirliyinin rəsmi saytına istinadən məlumatına görə, rayonun Mahamalar kənd sakini Sərxan Çantayevin idarə etdiyi “VAZ-2109” markalı və Akif Şıxıyevin idarə etdiyi “QAZ-31” markalı avtomaşınlar toqquşub. Nəticədə xəsarət almış hər 2 sürücü və A.Şıxıyevin sərnişini, oğlu Şamil, habelə S.Çantayevin sərnişini, Mahamalar kənd sakini Nail Tinatiyev xəstəxanaya yerləşdiriliblər. Balakən RPŞ tərəfindən araşdırmalar aparılır.