x
Loading...

Ölkədaxili qatarlara əlavə vaqonlar qoşulacaq

Ölkədaxili qatarlara əlavə vaqonlar qoşulacaq
10:17 16 Mart 2015
39 Sosial
Ölkə mətbuatı
A- A+
.

Beynəlxalq Novruz bayramı günlərində dəmir yolunun müəssisə və təşkilatlarında gücləndirilmiş iş rejimi tətbiq olunacaq.

Bu barədə Trend-ə “Azərbaycan Dəmir Yolları” Qapalı Səhmdar Cəmiyyətinin (QSC) Mətbuat katibliyinin rəisi Nadir Əzməmmədov deyib.

Onun sözlərinə görə, Beynəlxalq Novruz bayramı günlərində - 20-28 mart 2015-ci il tarixlərində “Azərbaycan Dəmir Yolları” QSC-nin müəssisə və stansiyalarında fasiləsiz iş rejimi təşkil ediləcəkdir: “Bununla bağlı iş adamlarının nəzərinə çatdırırıq ki, vaqonların yüklənməsi və boşaldılması prosesində fasilələr olmayacaq. Eyni zamanda, bayram günlərində “Azərbaycan Dəmir Yolları” QSC-nin təsərrüfatları gücləndirilmiş iş rejimində fəaliyyət göstərəcəklər”.

N.Əzməmmədov əlavə edib ki, Sərnişin daşımaları Departamentinin kollektivi sərnişin sıxlığını qismən də olsa aradan qaldırmaq üçün ölkə daxilində hərəkət edən sərnişin qatarlarına hər gün 15-20 əlavə vaqonun qoşulmasını təmin edəcək.

Milli.Az


Xəbərin orijinal ünvanı: http://news.milli.az/society/329803.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR