Gürcüstanın Şida Kartli polis idarəsinin və Daxili İşlər Nazirliyinin xüsusi işlər üzrə departamentinin əməkdaşlarının birgə keçirdiyi xüsusi əməliyyat zamanı beş nəfər saxlanılıb.
Milli.Az azvision.az-a istinadən xəbər verir ki, 1976-cı il təvəllüdlü L.Ş, 1980-ci il təvəllüdlü M.Q., 1975-ci il təvəllüdlü Z.Q., 1968-ci il təvəllüdlü C.S. və 1975-ci il təvəllüdlü Ç.M. Azərbaycan neftini oğurlamaqda ittiham edilərək həbs olunublar.
İstintaq müəyyənləşdirib ki, həbs edilən şəxslər Qori rayonunun Reha kəndində Bakı-Supsa magistral kəmərindən sistematik olaraq neft oğurlayıblar.
Gürcüstan polisi faktla bağlı araşdırmaları davam etdirir.
Milli.Az
Digər maraqlı xəbərlər Milli.Az-ın Facebook səhifəsində