Əli Həsənov Səudiyyə Ərəbistanı kralı ilə görüşüb

Əli Həsənov Səudiyyə Ərəbistanı kralı ilə görüşüb
14:05 2 Fevral 2017
20 Ölkə
Ölkə mətbuatı
A- A+

Fevralın 1-də Azərbaycan Respublikası prezidentinin ictimai-siyasi məsələlər üzrə köməkçisi Əli Həsənov Ər-Riyadda İki Müqəddəs Ocağın xadimi, Səudiyyə Ərəbistanının kralı Salman bin Əbdüləziz Al Səud ilə görüşüb.

Milli.Az AZƏRTAC-a istinadən xəbər verir ki, Əli Həsənov Azərbaycan prezidenti İlham Əliyevin səmimi salamlarını Səudiyyə Ərəbistanının kralı Salman bin Əbdüləziz Al Səuda çatdırıb. Prezidentin köməkçisi dost və qardaş ölkələrimiz arasında əlaqələrin inkişafının məmnunluq doğurduğunu söyləyib.

Səudiyyə Ərəbistanının kralı Salman bin Əbdüləziz Al Səud prezident İlham Əliyevin salamlarına görə minnətdarlığını bildirib, onun da salamlarını dövlətimizin başçısına çatdırmağı xahiş edib.

Prezidentin köməkçisi Əli Həsənov Səudiyyə Ərəbistanına səfərə dəvətə görə kral Salman bin Əbdüləziz Al Səuda və mədəniyyət və informasiya naziri Adil bin Zeyd ət-Tureyfiyə təşəkkürünü bildirib.

Milli.Az

Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/politics/513666.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR