Bakı. 2 fevral. REPORT.AZ/ Gürcüstanın daxili işlər naziri Giorgi Mqebrişvili BP-nin baş meneceri Kris Şlitteri (Chris Schlitter) qəbul edib.
“Report” xəbər verir ki, görüşdə Gürcüstan ərazisindən keçən boru kəmərlərinin təhlükəsizliyi məsələləri müzakirə edilib.
Gürcüstan hökuməti ilə BP arasında Bakı-Tbilisi-Ceyhan neft boru kəmərinin, Cənub Qaz Dəhlizinin, Qərb boru kəmərinin və ona aid olan Supsa terminalı və onun infrastrukturunun təhlükəsizliyinin təmin edilməsi ilə bağlı müqavilə imzalanıb.
DİN-in strateji boru kəmərlərinin mühafizəsi departamenti səlahiyyəti çərçivəsində BTC, Supsa terminalı və Bakı-Tbilsi-Ərzurum qaz kəmərinin mühafizəsi və təhlükəsizliyinin təmin edilməsi üçün işlər görəcək.
