Balakən 2017-ci il üçün gənclər paytaxtı seçilib

Balakən 2017-ci il üçün gənclər paytaxtı seçilib
18:22 2 Fevral 2017
120 Ölkə
Ölkə mətbuatı
A- A+

Bakı. 2 fevral. REPORT.AZ/ Balakən rayonu “Gənclər Paytaxtı-2017” adına layiq görülüb.
"Report" xəbər verir ki, 2017-ci il yanvarın 25-dən start götürmüş müsabiqə yanvarın 31-də sona çatıb. Bir həftə davam edən səsvermə nəticəsində Balakən rayonu 24 şəhər və rayon arasında liderlik mövqeyi nümayiş etdirib, 37,4 faiz səs toplayaraq “Gənclər Paytaxtı-2017” adını qazanıb.
Hər il olduğu kimi, bu il də səsvermə www.genclerpaytaxti.az saytı vasitəsilə həyata keçirilib. Ümumilikdə sayta 3 131 779 nəfər daxil olub. Onlardan 57 703 nəfəri bu ilin payına düşüb.
Qeyd edək ki, Gənclər və İdman Nazirliyi tərəfindən 2012-ci ildən etibarən hər il ölkənin bir rayon və ya şəhəri Azərbaycanın “Gənclər paytaxtı” elan edilir. Azərbaycanın regionlarında gənclərin fəaliyyətinin genişləndirilməsi və inkişafı məqsədilə həyata keçirilən bu layihə beş il ərzində ətrafında kifayət qədər iştirakçı kütləsi toplaya bilib. Bu müddətdə Gəncə şəhəri (2012-ci il), Biləsuvar rayonu (2013-cü il), Quba şəhəri (2014-cü il), İsmayıllı rayonu (2015-ci il), Şəmkir rayonu (2016-cı il) “Gənclər Paytaxtı” adına layiq görülüblər.
“Gənclər Paytaxtı” bir il müddətinə seçilir. Bu müddətdə həmin şəhər (rayon) gənclərin ictimai, siyasi, sosial, iqtisadi və mədəni həyatda fəal iştirakını təmin edir, onların intellektual və yaradıcılıq potensialının artırılmasına, yeni ideya və layihələrinin reallaşdırılmasına dəstək verir.

Xəbərin orijinal ünvanı: https://report.az/daxili-siyaset/balaken-2017-ci-il-ucun-gencler-paytaxti-secilib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR