Azərbaycanda möbil nömrə satışının müvəqqəti dayandırılması yeni sistemə keçidlə əlaqədar olub

Azərbaycanda möbil nömrə satışının müvəqqəti dayandırılması yeni sistemə keçidlə əlaqədar olub
18:42 2 Fevral 2017
Ölkə mətbuatı
A- A+

Bakı. 2 fevral. REPORT.AZ/ "Azercell Telekom" MMC nömrə satışının dayandırılması ilə əlaqədar yayılan xəbərələrlə bağlı açıqlama yayıb. 
"Report"un verdiyi xəbərə görə, açıqlamada deyilir ki, yalnız yanvarın 30-da yeni sistemə keçidlə əlaqədar təzə nömrələrin aktivləşdirilməsi müvəqqəti olaraq dayandırılıb. Yanvarın 31-dən isə yeni sistemlə satış davam edir.
 “Fevralın 1-dən etibarən respublikada fəaliyyət göstərən bütün mobil operatorlarda nömrələrin satışı və aktivləşdirilməsi yeni online sistem üzrə aparılır. Bu, Nazirlər Kabinetinin və dövlət başçısının müvafiq qərarları ilə öhdəlik kimi qoyulub. "Azercell"in nömrə satışı dayandırılmayıb və adi qaydada aparılırdı. Çünki bütün "Azercell" diler şəbəkəsində kifayət qədər aktiv nömrə ehtiyatı mövcüd idi və satışları ehtiyatlarımız hesabına həyata keçirirdik. Yalnız yanvarın 30-da yeni sistemə keçidlə əlaqədar təzə nömrələrin aktivləşdirilməsi müvəqqəti olaraq dayandırılıb. Yanvarın 31-dən isə yeni sistemlə satış davam edir. Yeni nömrə satışı sistemi və onun təkmilləşdirilməsi ilə əlaqədar suallarınızı Rabitə və Yüksək Texnologiyalar Nazirliyinə ünvanlaya bilərsiniz" - "Azercell Telekom" MMC-nin açıqlamasında vurğulanır.

Xəbərin orijinal ünvanı: https://report.az/i-kt/azerbaycanda-mobil-nomre-satisinin-muveqqeti-dayandirilmasi-yeni-sisteme-kecidle-elaqedar-olub

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR