Energetika naziri “Total”ın Avropa və Xəzər regionu üzrə vitse-prezidenti ilə görüşüb

Energetika naziri “Total”ın Avropa və Xəzər regionu üzrə vitse-prezidenti ilə görüşüb
19:12 2 Fevral 2017
Ölkə mətbuatı
A- A+

Bakı. 2 fevral. REPORT.AZ/ Energetika naziri Natiq Əliyev ilə “Total” şirkətlər qrupunun Avropa və Mərkəzi Asiya Regionunda Kəşfiyyat və Hasilat üzrə baş vitse-prezidenti Maykl Borrelin rəhbərlik etdiyi nümayəndə heyəti arasında görüş keçirilib.
"Report"un nazirliyə istinadən verdiyi xəbərə görə, M.Borrel Azərbaycanın “Total” üçün mühüm biznes marağı kəsb edən ölkə olduğunu nəzərə alaraq, şirkətlər qrupunun Kontinental Avropa və Xəzər regionu üzrə yeni təyin edilmiş vitse–prezidenti Bernard Clementi şəxsən təqdim etmək üçün Azərbaycana səfər etdiyini bildirib.
Energetika naziri Natiq Əliyev yeni təyinatdan məmnunluğunu ifadə edərək, “Total” rəhbərləri ilə mütəmadi keçirilən görüşlərin əməkdaşlıq əlaqələrinin möhkəmləndirilməsinə və birgə layihələrin uğurla həyata keçirilməsinə xidmət etdiyini deyib. O, qlobal enerji şirkəti “Total”ın Azərbaycanda 20 illik fəaliyyəti nəticəsində əldə edilmiş nailiyyətlərdən danışıb. Əməkdaşlığın davam etdirilməsi üçün böyük imkanların mövcudluğu və bunun hər iki tərəf üçün faydalı olacağı qeyd edilib.
Baş vitse-prezident M.Borrel ötən ilin noyabr ayında SOCAR və “Total” arasında imzalanmış “Abşeron” layihəsinin işlənmə proqramını tənzimləyən prinsiplər haqqında çərçivə sazişini xatırladaraq, görülən və planlaşdırılan işlərdən danışıb. “Total”ın yaxın illərdə Abşeron yatağında hasilata başlamaq üçün tərəfdaşları ilə birgə səylərini artırdığını vurğulayaraq, yataqdan ilk qazın nəzərdə tutulduğu vaxtda alınması üçün Azərbaycan hökumətinin dəstəyinin zəruriliyini diqqətə çatdırıb. O, həmçinin “Abşeron” layihəsinin maliyyələşdirilməsinə Avropa İnvestisiya Bankının maraq göstərdiyini bildirib.
Natiq Əliyev “ Abşeron” qaz-kondensat yatağının “Cənub Qaz Dəhlizi”nin imkanlarını daha da artırmaqla mövqeyini gücləndirəcəyini deyərək, “Total”ın Məşvərət Şurasının iclasında iştirakının vacibliyini qeyd edib. Energetika naziri həmçinin “Total” şirkətinin Azərbaycanın digər neft-qaz layihələrində, o cümlədən “Babək” perspektiv sahələrinin işlənməsi layihəsində də iştirakının səmərəli olacağını deyib.
Görüşün yekununda Natiq Əliyev Avropa və Xəzər regionu üzrə təyin edilmiş vitse–prezident Bernard Clementiyə də gələcək fəaliyyətində Energetika Nazirliyinin lazımi dəstək verəcəyini bildirib. 

Xəbərin orijinal ünvanı: https://report.az/energetika/energetika-naziri-total-in-avropa-ve-xezer-regionu-uzre-vitse-prezidenti-ile-gorusub

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR