Useyn Bolt karyerasını bitirəcəyi vaxtı açıqlayıb

Useyn Bolt karyerasını bitirəcəyi vaxtı açıqlayıb
09:32 3 Fevral 2017
29 İdman
Ölkə mətbuatı
A- A+

Bakı. 3 fevral. REPORT.AZ/ Yamaykalı sprinter, 8 qat dünya çempionu Useyn Bolt 2017-ci il dünya çempionatından sonra çıxış etməyəcək. "Report"un "Reuters"ə istinadən verdiyi məlumata görə, 2018-ci ildə keçiriləcək Birlik Oyunlarının təşkilatçıları yamaykalı atletə də dəvət göndərib.
Lakin 31 yaşlı idmançı mənfi cavab verib: "2018-ci ildə çıxış edə bilmək üçün əvvəlkilərdən də çox məşqə qatılmalıyam ki, qələbə şansı qazanım. Bu isə baş verməyəcək".
Atletika üzrə builki dünya çempionatı 5 - 13 avqustda Böyük Britaniyanın paytaxtı Londonda keçiriləcək.
Qeyd edək ki, yanvarın 25-də Beynəlxalq Olimpiya Komitəsi Useyn Boltu 2008-ci il Pekin Yay Olimpiya Oyunlarında 4X100 metr məsafəyə estafet qaçışında qazandığı qızıl medaldan məhrum edib. Səbəb onunla birgə qaçan komanda yoldaşı Nesta Karterin dopinq-testinin təkrar analizi nəticəsində orqanizmindən istifadəsi qadağan olunmuş turinabol anabolik steroidinin tapılmasıdır. Nəticədə bütün yığmadan medallar alınıb. Bununla da Bolt 9 qat yox, 8 qat olimpiya çempionu sayılıb.

Xəbərin orijinal ünvanı: https://report.az/ferdi/useyn-bolt-karyerasini-bitireceyi-vaxti-aciqlayib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR