Çin klubları "Barselona"nın yarımmüdafiəçisi Arda Turanı transfer etməkdə israrlıdırlar.
Milli.Az goal.az-a istinadən xəbər verir ki, ispan mətbuatı "Guangzhou Evergrande" klubunun 30 yaşlı oyunçuya 4 illik müqavilə və 100 milyon avro pul təklif etdiyini yazıb. Türkiyə millisinin kapitanının meneceri gələn həftə Çinə gedərək, klub rəsmiləri ilə bu məsələni müzakirə edəcək.
"Barcelona"nın "Atletiko"dan 41 milyon avroya transfer etdiyi futbolçunun illik məvacibi 8 milyon avrodur. Bu keçid reallaşarsa, Ardanın yeni komandasında illik qazancı 25 milyon avro olacaq. Futbolçu 125 milyon avro müqabilində sərbəst qala bilər. Çinlilər "Barsa"nın tələbi ilə razılaşsalar, Arda dünyanın ən bahalı transferi kimi tarixə düşəcək.
Milli.Az
Digər maraqlı xəbərlər Milli.Az-ın Facebook səhifəsində
