Bakı. 3 fevral. REPORT.AZ/ Rusiya Federal Təhlükəsizlik Xidmətinin Çeçenistanda Respublikası üzrə Sərhəd İdarəsi qanunsuz şəkildə federasiya sərhədini keçməyə cəhd edərkən Azərbaycan vətəndaşı A.Mirzəcanovanı saxlayıb.
"Report" Rusiya KİV-inə istinadən xəbər verir ki, əvvəllər soyadı Tağıyeva olan A.Mirzəcanovanın Rusiyaya girişinə ötən ilin mart ayında qadağa qoyulub. Rusiya icra hakimiyyətinin səlahiyyətli orqanları ona 2019-cu ilin yanvar ayına qədər ölkəyə girişi yasaqlayıb.
Hazırda A.Mirzəcanova ilə bağlı istintaq tədbirləri aparılır.