Bədən Tərbiyəsi və İdman Akademiyası tələbələrinin təhsil h1aqqının hissə-hissə ödəmələrinə qadağa qoyulması məsələsinə münasibət bildirib.
Milli.Az xəbər verir ki, akademiyadan qafqazinfo-ya bildirilib ki, bununla bağlı heç bir rəsmi sənəd yoxdur:
"Buna baxmayaraq, təhsil haqlarının hissə-hissə ödənilməsi ilə bağlı bizə müraciət edən 100 tələbədən nəinki 15-nə, hətta 100-nə hissə-hissə ödəmələri üçün maksimum köməklik edirik. Həmçinin, maddi imkanları ağır olan tələbələrə, onların müraciətləri əsasında ailə vəziyyətləri araşdırıldıqdan sonra təhsil haqlarını ödəmələri üçün əlavə möhlətlər də veririk.
Bundan əlavə, akademiyadan tələbələrin xaric olunma halları heç də onların təhsil haqlarını ödəməmələri ilə bağlı deyil. İlk növbədə, onların Akademiya ilə əlaqələrini itirməsi (uzun müddət dərslərə davamiyyətin zəif olması) və ya daxili nizam-intizam qaydalarını pozmaları ilə bağlıdır. Hər bir tələbənin fikrinə və müraciətinə fərdi yanaşıb onların probleminin həlli və gələcəkdə ixtisaslı kadr kimi yetişmələrində yaxından köməklik edirik".
Milli.Az
Digər maraqlı xəbərlər Milli.Az-ın Facebook səhifəsində
