ATV-dən ARB-yə hədiyyə

ATV-dən ARB-yə hədiyyə
14:51 3 Fevral 2017
Ölkə mətbuatı
A- A+

ATV telekanalının dublyaj etdiyi cizgi-filmləri “ARB Günəş”in efirində yayımlanacaq.

Axşam.az-ın məlumatına görə, məsələ ilə bağlı ATV-dən rəsmi açıqlama verilib:

“Biz balaca tamaşaçılarımız üçün çeşidli cizgi-filmlərini dublyaj edirik. Bu məhsullar efir torumuzda geniş şəkildə yer alır. Lakin biz tematik telekanal olmadığımız üçün, efirmizdə məhsullarımızın yalnız bir hissəsinə yer verə bilirik. Bu səbəbdən, istehsal etdiyimiz məhsulların bir bölümünü “ARB Günəş” telekanalına hədiyyə edəcəyik. Azyaşlı tamaşaçılarımız məhsullarımızın bir hissəsini bir ildən artıqdır uğurlu fəaliyyəti ilə diqqət çəkən, uşaq telekanalı “ARB Günəş”in efirində izləyə biləcəklər”.

“ARB Günəş” televiziyasının rəsmi açıqlamasında “ATV”-nin bu addımı yüksək qiymətləndirilib:

“Bu addım bizim üçün çox xoş oldu. “ATV” telekanalının rəhbərliyinə dərin minnətdarlığımızı bildiririk.  Bu bizim üçün olduqca sevindirici haldır. “ARB Media Qrup”un tərkibində fəaliyyət göstərən, ölkənin ilk uşaq telekanalı “ARB Günəş” 1 ildən çoxdur ki, azyaşlı tamaşaçılarımız üçün maraqlı telelayihələr və cizgi-filmləri təqdim edir. Efir torumuzu daim yeniləyərək, balaca tamaşaçılarımızı sevindirməyə çalışırıq. Lakin maliyyə imkanlarımız məhsullarımızın sayını daha da artırmağa hələ ki, imkan vermir. ATV-nin bu dəstəyi bizim üçün çox dəyərlidir. Bu təkcə bizə deyil, yüz minlərlə azyaşlı tamaşaçılara da bəxş olunan çox qiymətli hədiyyədir”.


Xəbərin orijinal ünvanı: http://axsam.az/?name=xeber&news_id=65913

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR