Bakı. 3 fevral. REPORT.AZ/ "Atletiko"nun futbolçusu Lukas Ernandes İspaniyada saxlanılıb. "Report"un "El Mundo"ya istinadən verdiyi məlumata görə, buna 20 yaşlı yarımmüdafiəçinin həyat yoldaşına qarşı zorakı davranışları səbəb olub.
Xanımı hələ polisə şikayət ərizəsi təqdim etməyib. Lakin o, xəstəxanaya yaralarda daxil olub. İlkin proqnozlara əsasən, bunlar ciddi təhlükə xarakteri daşımır. Fransalı futbolçunun özü evinə sərxoş halda gəlib və həyat yoldaşı ilə dalaşıb.
Qeyd edək ki, Lukas Ernandes İspaniya çempionatında 20 tur ərzində 6 matça çıxıb. O, nə qol, nə də məhsuldar ötürmə ilə yadda qalıb.
