Çempionlar Liqasının finalı Bakıda keçirilə bilər

Çempionlar Liqasının finalı Bakıda keçirilə bilər
15:39 3 Fevral 2017
93 Digər
Ölkə mətbuatı
A- A+

Çempionlar Liqasının finalı Bakıda keçirilə bilər. Apasport.az saytının məlumatına görə, AFFA 2018/19 mövsümünün həlledici görüşü ilə bağlı UEFA-ya müraciət edib.

 

Qurum Bakı Olimpiya Stadionu həm Çempionlar Liqası, həm Avropa Liqasının finalını qəbul etməsində maraqlıdı.

 

2019-cu ildə baş tutacaq həlledici qarşılaşmalara namizədlərin siyahısını açıqlayan UEFA Çempionlar Liqası üçün 2, Avropa Liqası üçün 7 iddiaçının sifarişini qəbul edib.

 

Qitənin ən nüfuzlu klub turnirinin finalına  Bakı Olimpiya Stadionu ilə yanaşı İspaniya paytaxtı Madrid də iddia edir. Bu şəhərin Metropolitano stadionu final arzusundadı.

 

Çempionlar Liqası arzusu gerçəkləşməsə, Bakı Avropa Liqasının finalını da qəbul edə bilər. Bu matça Bakı ilə yanaşı, Tiflisdə “Dinamo Arena” (Gürcüstan), Frankfurtda eyniadlı stadion, Ştutqartda “Arena Ştutqart” (hər ikisi Almaniya), Qlazqoda “Hampden Park” (Şotlandiya), Sevilyada “Ramon Sançes Pisxuan” stadionu (İspaniya) və İstanbulda “Beşiktaş Arena” (Türkiyə) da namizəddi.

 

Qeyd edək ki, final oyunlarının ev sahibinin adına bu ilin sentyabrında aydınlıq gələcək.


Xəbərin orijinal ünvanı: http://news.lent.az/news/266735

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR