"Qızımın ölümündən sonra anladım ki..." - Şərqiyyə Hüseynova

"Qızımın ölümündən sonra anladım ki..." -  Şərqiyyə Hüseynova
16:36 3 Fevral 2017
Ölkə mətbuatı
A- A+

“Çiynimdə çox böyük məsuliyyət var: nəvəmi böyütməliyəm (ağlıyır). Rəssamlıq kollecində oxuyur, universitetə daxil olmalıdır. Bu yaxınlarda mənə prezident təqaüd verdi. Bunun mənə çox böyük köməyi dəydi. Yoxsa çox çətinlik çəkərdim”.

Axşam.az-ın məlumatına görə, bu sözlərix alq artisti Şərqiyyə Hüseynova “Geriyə baxanda” verilişində deyib. Qızını itirən diktor hazırda nəvəsi Ayanı böyütdüyü söyləyib.

Göz yaşını saxlaya bilməyən Ş.Hüseynova maddi çətinlik çəkdiyini də bildirib:

“Maddi bir yana, Ayanın mənəvi dəstəyə ehtiyacı var. Nəvəm 16 yaşındadır, onun valideynlərinə ehtiyacı var. Hərdən nəsə bölüşmək istəyir, mən onun tələblərinə cavab verə bilmirəm. Səbirsiz olmuşam. Bu həyatı yaşayıram, çətindir. Buna görə də 3 ildir efirlərə çıxmıram. Ayan da istəyir ki, mən efirlərdə olum. Mənə uşaqlıqdan “ana” deyir. Bu verilişə dəvət alanda Ayan dedi ki, istəyirəm ki, bir dəfə efirdə olasan. Ətrafımdakılara deyim ki, bu da mənim nənəmdir”.



Ş.Hüseynova övladını itirdiyi ərəfədə ona ailəsinin dəstək olduğunu söyləyib:

“Ağır vəziyyətdə rəfiqələrim mənə dəstək oldular. Bacım, qardaşım, bütün qohumlarım mənə kömək oldu. Eyni zamanda rəfiqələrim Roza və Solmaz Həmzəyeva kömək etdi. Onlar da belə bir faciə ilə rastlaşıblar. Onlara baxanda deyirdim ki, necə yaşayırlar, niyə ölmürlər? Öz başıma gəldi, gördüm ki, insan dözür və yaşayır".

Aparıcı mərhum əməkdar artist, "Ələkbər əmi" adı ilə tanınan Ələkbər Hüseynovdan söz açıb. Ş.Hüseynov bildirib ki, Ələkbər əmi onun xalası oğlu imiş: 

"Nəvəmlə bir veriliş apardım. O verilişi aparmaqda məqsədim Ələkbərin adını yaşatmaq idi. Onu çox erkən yaşda itirdik. Ələkbər mənim xalam oğludur. Bizim ailədə böyüyürdü, ona analıq etmişəm. Erkən itkilər məni öldürüb. Uşaq verilişlərinin mahir aparıcısı idi. Xalama xoş gəlirdi ki, onun adını efirdə yaşadlram.

Qeyd edək ki, Ş.Hüseynovanın qızı Mehriban 2014-cü ildə insultdan dünyasını dəyişib.


Xəbərin orijinal ünvanı: http://axsam.az/?name=xeber&news_id=65921

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR