Beynəlxalq Muğam Mərkəzinin və Azərbaycan Milli Kitabxanasının birgə təşkil etdiyi “Sirlər xəzinəsi” ədəbi-bədii musiqili layihəsi çərçivəsində növbəti tədbir keçirilib.
Axşam.az-ın məlumatına görə, Xurşidbanu Natəvanın həyat və yaradıcılığına həsr edilən gecə Mədəniyyət və Turizm Nazirliyinin dəstəyi ilə reallaşıb.
Tədbirdə Milli Kitabxananın direktoru Kərim Tahirov layihə çərçivəsində ilk tədbirin Məhəmməd Füzuliyə həsr olunduğunu söyləyib.
Gecədə deputat, professor Nizami Cəfərov, Yazıçılar Birliyinin Qarabağ bölgəsinin sədri Ənvər Əhməd, millət vəkili Qənirə Paşayeva və başqaları yer alıb.
Tədbirdə şairin qəzəlləri və muğamlar səsləndirilib.
Foto: İlqam CƏBİYEV