Bakı. 4 fevral. REPORT.AZ/ Milyarder və hərbi xidmət veteranı Vinsent Viola ABŞ-ın ordu naziri vəzifəsindən imtina edib.
"Report" "Reuters"ə istinadən xəbər verir ki, V.Viola ailə biznesini atmaq istəmədiyindən nazir olmaq təklifi ilə razılaşmayıb.
"Müdafiə naziri Ceyms Mattis məyusdur, amma eyni zamanda Violanın seçimini anlayır və ona hörmət edir", - deyə Pentaqonun məlumatında bildirilib.
Eyni zamanda, C.Mattisin qısa zamanda yeni namizədini təqdim edəcəyi vurğulanıb.
