Argentinanın əfsanəvi futbolçularından hesab edilən Pablo Aymar futbola dönmək qərarına gəlib.
Milli.Az apasport.az-a istinadən xəbər verir ki, 37 yaşlı yarımmüdafiəçi sevimli komandası "Estudiantes Rio Kuarto"ya qayıdıb.
2015-ci ildə "River Pleyt"in heyətində karyerasını bitirən Aymarı 2 ildən sonra futbola qayıtmağa "Estudiantes Rio Kuarto"nun düşdüyü çətin durum məcbur edib. Belə ki, Aymar Torneo Federal B liqasında mübarizə aparan ilk komandasına kömək etmək qərarına gəlib.
Qeyd edək ki, 1985-1993-cü illərdə "Estudiantes Rio Kuarto"nun yetişdirdiyi Pablo Aymar Argentina millisinin heyətində 52 oyun keçirib, 8 qola imza atıb.
Milli.Az
Digər maraqlı xəbərlər Milli.Az-ın Facebook səhifəsində
