x
Loading...

Samir Piriyev: "Müğənniliklə vidalaşacağam" - VİDEO

Samir Piriyev: "Müğənniliklə vidalaşacağam" - VİDEO
12:57 16 Mart 2015
Ölkə mətbuatı
A- A+
.

“Bizdə hamı toy tutmaq üçün oxuyur”

Müğənni Samir Piriyev “Region TV”də yayımlanan “Şou məkan” verilişinə eksklüziv açıqlamalar verib.

Müğənni şou-biznes aləmini sərt tənqid etməkdən çəkinməyib:

“Yenidən həyata gəlsəydim, heç vaxt müğənni olmazdım. Bu sənəti seçərdim, amma şou-biznesdə olmazdım. Düzü, özümü şou-biznesin nümayəndəsi hesab etmirəm. Mənim şou-biznesə heç bir aidiyyatım yoxdur, mən sənətimlə məşğulam. Azərbaycan şou-biznesində konsert anlamı yoxdur. Konserti də prestij üçün keçirirlər, heç kim konsertdən pul qazanmır. Şou-biznesimizdəki hər kəs toy tutmaq üçün oxuyur, hamı toyxana müğənnisidir. Şou-biznesdə səmimiyyət yoxdur. Sağlam rəqabətin olmaması məni üzür. Naşı insanlar var şou-biznesdə, hansı ki, onlar boş-boş danışırlar ancaq. İşlə məşğul olmaqdansa, lazımsız, etik normalara uyğun olmayan hərəkətlər edirlər”.

Sevilən sənətçi gələcəkdə müğənniliklə vidalaşacağını da açıqlayıb: “Mən bilirəm ki, nə vaxtsa çox güclü bir prodüser olacağam. Bir neçə ildən sonra öz sənətimlə vidalaşıb, sırf prodüserliklə məşğul olacağam. Sübut edəcəyəm ki, prodüserlik necə olur. O potensialı özümdə görürəm. 1-2 aya ulduz yaratmaq mümkün deyil. Ulduz gərək doğuluşdan ulduz olsun, sadəcə, onu görən prodüser lazımdır. Əfsuslar olsun ki, o bizdə bir qədər zəifdir”.

Tanınmış müğənni şəxsi həyatı ilə bağlı sualları da cavablandırıb: “Deyirlər ki, qız ataya, oğlan anaya oxşayanda xoşbəxt olur. Oğlum anasına oxşayır bir az, amma qızlarım kopiya özüməm”.

Sənətçi keçmişdəki peşmanlıqları haqda da danışıb: “Keçmişdə mənim haqqımı çox yeyiblər, onları xatırlayanda üzülürəm. Mən çox ağıllı insanam, amma insanlara həddindən artıq inanıram, ona görə də peşmanlıqlarım çox olur”.

Milli.Az

Videonu izləmək üçün şəklə klikləyin.

фото


Xəbərin orijinal ünvanı: http://news.milli.az/showbiz/329846.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR