Rumıniyada etiraza səbəb olan Amnistiya haqqında fərman ləğv olunacaq

Rumıniyada etiraza səbəb olan Amnistiya haqqında fərman ləğv olunacaq
00:07 5 Fevral 2017
53 Dünya
Ölkə mətbuatı
A- A+

Buxarest. 4 fevral. REPORT.AZ/ Sabah Rumıniya Nazirlər Kabinetinin növbədənkənar iclası keçiriləcək və hökumətin Amnistiya aktı və cinayət qanunvericiliyinə dəyişikliklər haqqında qəbul etdiyi qərar ləğv olunacaq.
“Report”un Şərqi Avropa bürosunun məlumatına görə, bunu Hökumət evində çıxışı zamanı ölkənin baş naziri Sorin Qrindyanu deyib.
“Bu günlərdə mən bir neçə qərar qəbul etmişəm. İlk növbədə sabah biz hökumətin təcili iclasını keçirib qəbul etdiyimiz qərarı ləğv edəcəyik ki, qüvvəyə minməsin. Bəli, mən “ləğv etmə” terminini işlədirəm. Mən Rumıniyanı bölmək istəmirəm. Rumıniya iki yerə bölünməməlidir”, - deyə o, TVR1 televiziyası ilə canlı yayımlanan çıxışında bildirib.
Qeyd edək ki, bu gün də daxil olmaqla artıq 5-ci gündür ki, 13/2017 saylı qərarla razı olmayan Rumıniya vətəndaşları etiraz mintinqi keçirirlər. Paytaxt Buxarestdəki Hökumət evinin qarşısında 130 min, Kluj, Timişoara, Sibiu, Braşov, Krayova, Konstança, İaşida kimi digər şəhərlərdə isə 170 mindən çox insan etiraz aksiyasına toplaşıb. Sabah isə paytaxt Buxarestdə Hökumət evinin qarşısında daha böyük və kütləvi mitinqin keçirilməsi nəzərdə tutulur.
Qeyd edək ki, vətəndaşların etirazına səbəb yeni hökumətin yanvarın 31-də Amnistiya aktı və cinayət qanunvericiliyinə (Cinayət Məcəlləsi və Cinayət-Posessual Məcəllə) dəyişikliklərə dair 13/2017 saylı qərarı qəbul etməsidir. Onların fikrincə, bu dəyişikliklər nəticəsində rüşvət və korrupsiya maddələrilə tutulan siyasətçilər azadlığa çıxacaq. Amnistiya aktı 5 ilə qədər azadlıqdan məhrumetmə cəzasına məhkum olunan şəxslərə, hamilə qadınlara, himayəsində azyaşlı uşağı olan qadınlara şamil olunacaq. Bununla yanaşı şərti azadlıqdan məhrum edilmiş şəxslərin üzərindən məhkumluğun da götürülməsi nəzərdə tutulur. Digər qanun layihəsinə əsasən isə dövlət məmuru tərəfindən dövlətə vurulmuş ziyan 42 min avro dəyərindən az olarsa, həmin şəxsə rüşvət vermə və rüşvət alma, eləcə də korrupsiya maddələri üzrə cinayət işi açıla bilməz.

Xəbərin orijinal ünvanı: https://report.az/diger-olkeler/ruminiyada-etiraza-sebeb-olan-amnistiya-haqqinda-ferman-legv-olunacaq

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR