ABŞ prezidenti Donald Tramp ukraynalı həmkarı Pyotr Poroşenko ilə yaxın zamanda görüşməyin mümkünlüyünü müzakirə ediblər. APA-nın “RİA Novosti”yə istinadən verdiyi xəbərə görə, bu barədə Ağ Evin prezidentlərin telefon danışığına dair məlumatında bildirilir.
Ağ Ev keçirilmiş danışıqların “çox müsbət” olduğunu qeyd edib.
Telefon danışığı yerli vaxtla 17.00-da (Bakı vaxtı ilə 02.00-da) baş tutub. Danışığın müddəti və təfərrüatları barədə məlumat verilmir.
Poroşenkonun ABŞ-a rəsmi səfərinin tarixi müəyyənləşdirilir.
