Ötən yay "Valencia"dan transfer olunan Pako Alkaser "Barcelona"da qol hesabını yalnız İspaniya Primerasının 21-ci turunda "Athletic"lə oyunda açıb. Milli.Az goal.az-a istinadən xəbər verir ki, 23 yaşlı hücumçu "qol orucu"na son qoyduğuna görə sevindiyini bildirib.
"Komandanın qələbə qazanmasına kömək etdiyimə görə sevinirəm. Komanda yoldaşlarım da, mən də qol vurmağımdan məmnum qaldıq. Bu yükü üstümdən atdığıma görə şadam. "Athletic" yaxşı oynadı. Amma iki qoldan sonra oyuna nəzarəti tam əlimizə aldıq. İndi üzərimdə daha çox çalışmalıyam".
Milli.Az
Digər maraqlı xəbərlər Milli.Az-ın Facebook səhifəsində
