Bakı. 5 fevral. REPORT.AZ/ Suriyanın hökumət qüvvələri sutka ərzində daha 145,5 kvadrat kilometr ərazini nəzarəti altına götürüb.
"Report" xəbər verir ki, bu barədə Rusiyanın Düşmən Tərəflərin Barışdırılması üzrə Mərkəzinin məlumatında bildirilir.
"Ümumilikdə 1 yanvar 2017-ci il tarixindən bu yana 1167,8 kv. km. ərazi azad edilib. Bu dövr ərzində İŞİD terror qruplaşmasından azad olunan yaşayış məntəqələrinin sayı 32-yə çatıb", - deyə məlumatda qeyd olunur.
