Bakı. 6 fevral. REPORT.AZ/ Bu il Rusiyada keçiriləcək futbol üzrə Konfederasiyalar Kubokunun bütün iştirakçıları müəyyənləşib. "Report"un məlumatına görə, son vəsiqəni Afrika Millətlər Kubokunun qalibi Kamerun yığması qazanıb.
"Ramedilməz Şirlər" B qrupunda Çili, Avstraliya və Almaniya birgə yer alacaq. A qrupunda isə Rusiya, Portuqaliya, Yeni Zelandiya və Meksika çıxış edəcək.
Qeyd edək ki, Konfederasiyalar Kuboku iyunun 17-dən iyulun 2-dək Rusiyanın Kazan, Soçi, Sankt-Peterburq və Moskva şəhərlərində keçiriləcək.