İraqda "İraq və Şam İslam Dövləti" (İŞİD) terrorçularına qarşı amansız döyüşlər davam edir.
Milli.Az Al Arabia-ya istinadən bildirir ki, Səlahəddin vilayətində İŞİD-in ələ keçirdiyi yaşayış məntəqələrinin azad edilməsi üçün döyüşən "Hadi əl Əməri", "Nəqabə", "Ənsar Allah", "Hizbullah", "Əba əl Fədl əl Abbas" dəstələri birləşiblər.
Onların birgə hücumlarından biri zamanı İŞİD-dən azad olunan Mirkə qəsəbəsində "Nəqabə" dəstəsinin döyüşçülərindən biri yaralı İŞİD mənsubunun başını kəsmək istəyib.
Atası, anası, iki qardaşı və 3 övladı İŞİD terrorçularının vəhşi işgəncələrindən sonra öldürülən bu şəxsin intiqam almasına yoldaşları mane olurlar.
"Ona toxunma! Başını kəsmə! Ayətulla Sistani icazə vermir! Biz İŞİD deyilik!" - əsgərlər deyirlər.
Milli.Az