Bakı-APA. Ağcəbədidə ötən gün axşam saatlarında yanğın hadisəsi qeydə alınıb. APA-nın Fövqəladə Hallar Nazirliyinin (FHN) saytına istinadən verdiyi xəbərə görə, yanğın Ağcəbədi şəhərində ikimərtəbəli kommunal tipli (8 ailə yaşayır) yaşayış binasının 2-ci mərtəbəsində yaşayan vətəndaşa məxsus ümumi sahəsi 56 kv.m olan 4 otaqlı mənzildə baş verib. Nəticədə mənzilin 2 otağının yanar konstruksiyaları və ev əşyaları 30 kv.m sahədə yanıb. Mənzilin qalan hissəsi və bitişik mənzillər yanğından mühafizə olunub.