Daxili İşlər Nazirliyi dünən Cəlilabadda baş verən partlayışla əlaqədar məlumat yayıb. Daxili İşlər Nazirliyindən Lent.az-a verilən məlumata görə, martın 16-da saat 08 radələrində Cəlilabad şəhərində rayon sakini Tacəddin Hüseynovun kirayədə yaşadığı evdə təbii qazın sızmasından yanğına keçən partlayış baş verib. Hadisə nəticəsində qapı və pəncərə şüşələri sınıb, ev əşyaları qismən yanıb.
Yanıq xəsarəti alan T.Hüseynov, arvadı Samirə, qızı Mirhumay və oğlu Mirhəbib xəstəxanaya yerləşdiriliblər.