Bakı. 23 fevral. REPORT.AZ/ Moskva ətrafındakı Domodedovo rayonunda mənzildə qaz sızması nəticəsində partlayış olub.
“Report” “RİA Novosti”yə istinadən xəbər verir ki, nəticədə 2 nəfər xəsarət alıb.
İnformasiyaya əsasən, hadisə binanın ikinci mərtəbəsindəki mənzildə baş verib. Binanın partlayış baş verən hissəsindən 5-i uşaq olmaqla 25 sakin təxliyə edilib.
Partlayış nəticəsində əmələ gələn yanğın söndürülüb. İlkin məlumata əsasən, binaya ziyan dəyməyib.