Güclü külək Ucar rayonunda yanğınlara səbəb olub.
Fövqəladə Hallar Nazirliyinin Ucar Rayon Yanğından Mühafizə Hissəsindən APA-nın yerli bürosuna verilən məlumata görə, bu gün rayonun bir neçə yaşayış məntəqəsində 7 yanğın hadisəsi qeydə alınıb. Yanğın zamanı 1 transformator, 1 tövlə və müxtəlif ərazilərdə kol-kos yanıb.
Yanğınsöndürənlərin səyi nəticəsində bütün yanğın hadisələrinin qarşısı alınıb və yaxınlıqda olan tikililər yanğından mühafizə olunub.
Milli.Az
